Белоруссия Украина, Польша жана Балтика өлкөлөрүнө нефть (бензин, керосин) экспорттоону убактылуу токтотуп турууну чечти. Муну Орусиядан келген мунайзаттардын сапатсыздыгы менен байланыштырган.
Учурда белорус өкмөтү качан мунайдагы сапат көйгөйү чечилсе, экспортоо кайра жанданаарын айтууда. Бул тууралуу Белорус нефть компаниясынын башкы жетекчиси Сергей Гриб кабарлады.
Белгилей кетсек, Белоруссия тарап 19-апрелден тарта Орусиядан келген нефтинин сапатынын начарлаганын билдирген. Нефтинин булганган жери Самара-Унеча нефть түтүгүнөн табылган. Учурда ортодогу бардык келишимдер токтотулду.