Венесуэланын Нуэва-Эспарта штатындагы түрмөдөн туткундардын массалык түрдө качуусу катталды. Окуя учурунда бир киши каза болуп, 2 киши жаракат алды. Бул тууралуу «Noticias Venezuela» маалымат порталы кабарлады.
Жергиликтүү сайттын маалыматына ылайык, 60ка жакын туткун күзөтчүлөргө кол салган. Алар куралчан болушкан. Жыйынтыгында абактын 2 кызматкери жабыркап, ооруканага жеткирилген. Ал эми туткундардын бири каза болгону айтылат.
Качкындар күзөт жериндеги куралдарды алып, сыртка чыгып кетишкен. Учурда качкан кылмышкерлерди издөө иштери улантылууда.