Оштун «EREM» командасы футзал боюнча Суперлиганын биринчи жарым финалдык беттешинде «Sun City» клубун 4:5 эсебинде утуп, жарым финалдык серияларда алдыга чыкты.
«Sun City» спорттук борборунун аянтында болгон беттеште талаа ээлери адегенде 4:1 эсебинде алдыга чыгышкан.
Башкы машыктыруучу Данияр Абдыраимов башында турган «EREMдин» балдары жеңишке болгон эркин көрсөтүп, беттештин финалдык ышкырыгына чейин эсепти 4:5ке айландырып, жеңишти илип кетти.
Жарым финалдык сериянын экинчи беттеши 21-апрелде Ош шаарында «EREM» клубунун оюн талаасында өтөт.
Жарым финалдык экинчи жуптагы «Алга-Дордой» Бишкек жана «Мурас» Ысык-Көл беттешинде ысыккөлдүктөр 3:4 эсебинде утуп кетишти.
Кийинки беттеш Чолпон-Ата шаарында өтөт.