Өмүрбек Текебаев камактан көсөмдүгү артып, такшалып, көп нерсеге көзү жетип чыгат. Азыр парламентте анын жоктугу сезилип турат. Мындай пикирин Жогорку Кеңештин депутаты Алмамбет Шыкмаматов «Марал» радиосуна берген маегинде билдирди.
— Эмне үчүн оппозиция өз ишинин майын чыгара албай жатат? Анткени, Текебаев жок. Эгер ал болгондо, өкмөт 2 ай мурун отставкага кетмек. Жаңы, жоопкерчиликтүү өкмөт келип иштеп жаткан болмок деп ойлойм.
Кошумчалай кетсек, 2017-жылы Өмүрбек Текебаевге карата «Мегакомду» сатууга көмөктөшүү үчүн орусиялык ишкерден пара алган» деген жүйө менен кылмыш иши козголгон. Ошол эле жылдын 16-августунда Бишкек шаарынын Биринчи Май райондук соту аны 8 жылга эркинен ажыраткан.