«Манас» Эл аралык аэропорту Казакстандын Алматы шаарынан учкан «Qazaq Air» авиакомпаниясынын алгачкы каттамын кабыл алды. Бул тууралуу аэропорттун маалымат кызматы бүгүн кабарлады.
Казакстандын аймактык авиакомпаниясы Бишкек — Алматы багыты боюнча жаңы аба каттамын баштап, алгачкы учагы Бишкекке 5-апрелде конгон.
Авиакаттам аптасына эки жолу: жума жана жекшемби күндөрү жүргүзүлөт.
Ушул жылдын май айынан тарта «Qazaq Air» авиакомпаниясы Алматы – Ош жаңы аба байланышын ачууну пландап жатканын «Манас» аэропортунун маалымат кызматы кошумчалайт.