Бишкекте өтүп жаткан «КСДПга — 25 жыл» аттуу съездге экс-президент Алмазбек Атамбаев чакырылып, бирок келген жок. «КСДП Атамбаевсиз» кыймылынын башчысы Сагынбек Абдырахманов мурдагы президенттин келбей койгонуна өкүнгөнүн билдирди.
-Атамбаевди чакырсак да келбей коюшу бизди өкүндүрдү. Партиянын ысыгына күйүп, суугуна тоңуп, кандуу революцияларда бирге болгон партиялаштарына таарынычы болсо бетке айтып, өзүнөн кетсе, катасын мойнуна алса болмок. Өлкөбүздүн эртеңкиси үчүн ой калчап, кеңешсек болбойт беле?
Кошумчалай кетсек, бүгүн Бишкекте «КСДПга — 25 жыл» аталышында партиянын XVIII съезди өтүүдө.