Өзбекстандын борбору Ташкент шаарында 8 тонна сүмөлөк бышырылды. Аталган маалыматты sputnik.com сайтынын өзбек кызматы өздүк баракчасына жазды.
Кечээ 50 ашпозчу тарабынан бышырылган сүмөлөккө 7 тонна ун, 3 миң литр суу сарпталган. Бышкандан кийинки салмагы 8 тонна болгон даам бүгүн атайын идиштерге куюлуп, балдар жана карылар үйүнө жеткирилди. Алардан ашканы шаар тургундарына жана каалоочулардын баарына таркатылды.
Ашпозчулардын аталган сайтка берген маалыматында, иш-чараны уюштуруучулар эч кандай рекорддук көрсөткүчтү көздөшкөн эмес. Жөн гана кайрымдуулук жасагылары келген.