Түштүк Корея Монголияга кайтарымсыз 300 млн доллар берет

Монголия менен Түштүк Корея жылуулук электростанцияларын куруу долбоорун ишке ашыруу боюнча макулдашты. Курулуш иштерине Корея кайтарымсыз 300 миллион доллар бөлөт. Ошондой эле Монголияда “Солонго-1” жана “Солонго-2” турак-жай комплекстерин курууга 500 млн доллар насыя түрүндө акча каражаты бөлүнө турганын ARD билдирди.

2020-жылы Монголия менен Кореянын дипломатиялык кызматашуусуна 30 жыл толот, мына ошого байланыштуу эки өлкө ортосунда визасыз режимди киргизүү да каралмакчы.