Казакстанда Бакытжан Сагинтаев Президенттик Администрациянын башчысы болуп дайындалды. Мындай жарлыкка өлкө президенти Касым-Жомарт Токаев 24-мартта кол койгонун мамлекет башчысынын маалымат кызматы кабарлайт.
Бакытжан Сагинтаев буга чейин Мамлекеттик катчы кызматын аркалап келген. Казакстандын премьер-министри болгон. Ал ошондой эле бир катар министрликтерди жетектеген. Өз убагында Павлодар облусунун акими кызматын аркалаган.
Бакытжан Сагинтаевдин ордуна Марат Тажин Мамлекеттик катчы кызматына дайындалды.