Кыргызстандын футбол боюнча жаштар курамасы 2020-жылы өтө турган Азия биринчилигинин тандоо турундагы биринчи беттешинде Сирияга утулуп калды. Бул тууралуу Кыргызстандын Футбол федерациясынан маалымдашты.
Ага ылайык, беттеште Кыргызстан 0:2 эсебинде жеңилип калган.
Эске салсак, 22-26-мартта Кыргызстан Азия биринчилигинин финалдык баскычына өтүш үчүн Сирия, Иордания жана Кувейттин командаларына каршы оюн өткөрөт.
24-март күнү Кыргызстан Иорданиянын командасы менен ойносо, 26-мартта Кувейт менен беттешет.