Тигр дарыясында кеме аңтарылып, 93 адам каза тапты. Бул тууралуу Al Arabiya телеканалы билдирди.
Маалыматка ылайык, 9 киши кырсыкка шектелип кармалды.
Ирактын өкмөт башчысы Адиль Абдул-Махди окуя боюнча дароо иликтөө жүргүзүү тапшырмасын берди.
Алдын ала маалыматтарга караганда, кеменин кулап кетишине ашыкча жүк себеп болгон. Тагыраагы жүк нормадан 3 эсе көп жүктөлгөн.
Кемеде 250гө жакын жүргүнчү болгону айтылууда. Кырсыкка кабылгандардын көпчүлүгү балдар.
