Бишкекте «Кырк кыз» долбоору башталды. Аталган долбоордун негизги максаты- чыныгы кыргыз кызынын нукура жүзүн, кыз кишиге тиешелүү баалуулуктарды коомчулукка көрсөтүү. Ал эми катышуучулар аймактардан тандалып алынган 17-25 жаштагы 40 кыз.
Сынактын биринчи кунундо кыздар «Кыргызтест» мекемесине барып, эне тили боюнча өз билимин онлайын турундо текшерди.
Ал эми экинчи этабы 12-мартта «Супара» этнокомплексинде өтүп, анда кыздар камыр жууруп, кесме кесишсе, ошол эле күнү түштөн кийин жаа атуу боюнча сынактан өтүштү.
Бүгүн 14-март күнү Каба уулу Кожомкул атындагы спорт сарайында катышуучулар улуттук кийим менен кызыл килемден өтүп, сынактын жыйынтыгы чыгарылат.
Уюштуруучулардын айтымында, катышуучулардын арасынан мыктылар тандалып, белектер берилет.