Орусиянын Москва шаарында кыргызстандык таксист коюп кетип каза тапкан эки киши тең Кыргызстандын жарандары экендиги аныкталды. Бул тууралуу Кыргызстандын Орусиядагы элчилиги билдирди.
Жол кырсыгы 8-март күнү эртең менен болгон. Анда айдоочу рулга ээ боло албай калып, электр мамысын сүзгөн. Анда каза болгондордун бири 28, экинчиси 30 жашта болгон. Мекендештердин сөөгү бүгүн, 12-мартта Кыргызстанга жиберилет.
Окуя боюнча кылмыш иши козголуп, тергөө иштери жүрүүдө. Элчилик ишти өз көзөмөлүнө алды.