Кыргызстанда Ишкерликти тейлөө борбору түзүлөт. Бул тууралуу Өкмөттөн кабарлашты.
Ага ылайык, 2019-2022-жылдарга карата Ишкерликти тейлөө борборун түзүү жана ишин уюштуруу Концепциясы бекитилди.
Аталган борбордун милдети төмөнкүдөй:
— ишкер менен мамлекеттин ортосунда түз байланыштарды жокко чыгаруу;
— ишкердик ишин мамлекеттик жөнгө салуунун ачык системасын түзүү;
— мамлекеттик кызмат көрсөтүүлөрдү жана лицензия- уруксат берүү документтерин алууда ишкерлердин чыгымдарын кыскартуу;
— ишин жаңы баштаган ишкерлердин потенциалын жогорулатуу;
— чакан жана орто ишкерлик субъекттеринин техникалык көндүмдөрүн жана компетенцияларын жакшыртуу;
— мамлекеттик кызмат көрсөтүүлөрдү жана лицензия-уруксат берүү документтерин алууда коррупцияны төмөндөтүү.
Борбор ошондой эле билим берүү, маалыматтык, финансылык жана консалтингдик кызмат көрсөтүүлөр, ошондой эле уруксат-лицензияларын берүү мамлекеттик кызматтары боюнча ишмердигин жүргүзөт.
Белгилей кетсек, бул демилге Япон эл аралык кызматташтык агенттиги (JICA) жана ЕККУ Программалык кеңсесинин өнүктүрүү боюнча өнөктөштүгүндө ишке ашырылып жатат.