Тимур Шабданбеков Улуттук коопсуздук мамлекеттик комитетинин 9-кызматынын башчысы болуп дайындалды. Тийиштүү буйрукка бүгүн, 2-мартта президент Сооронбай Жээнбеков кол койду.
Тимур Шабданбеков ошол эле учурда УКМКнын төрагасынын орун басары кызматын аркалайт.
Буга чейин УКМКнын 9-кызматынын башчысы Токтосун Сабыров болгон. Ал кызматынан берген арызына ылайык бошотулду.
Айта кетсек, УКМКнын 9-кызматы мамлекеттеги биринчи адамдарды кайтарат.