Алимент төлөбөгөндөрдү чет өлкөгө чыгарбоо сунушталууда. Долбоорлонгон мыйзамда алимент төлөөдөн качкан ата-эне айдоочулук күбөлүктөн да ажыратылышы мүмкүн. Бул тууралуу Жогорку Кеңештин депутаты Айсулуу Мамашева Маралга бүгүн билдирди.
Мыйзам долбоору балдарын багуудан качкан ата-энелерге карата багытталган. Учурда Кыргызстанда мындай жоопкерчилиген качкан жарандардын саны 42 миңден ашууда. Мамашеванын айтымында, мыйзам долбоорунун башка максаты баланын ата-эне камкордугуна болгон укугун камсыздоого багытталат.
Ал кошумчалагандай, үй-бүлө кодексине жана «Сот аткаруучулар жөнүндө» мыйзамына тийиштүү өзгөртүүлөрдү жана толуктоолорду киргизиш керек.
Депутат айым ошондой эле, алименттин эң төмөнкү өлчөмү да белгиленип, бир балага кеминде 1800 сом белгиленген.