Германиянын “Боруссия” футболдук клубунун тарбиялануучусу Александр Мищенко Кыргызстандын жарандыгын алды. Бул боюнча буйрукка президент Сооронбай Жээнбеков кол койгондугун, “Дордой” клубунун маалымат кызматы билдирди.
Маалыматка ылайык, Александр 1997-жылы 30-июльда Чүй облусунун Ивановка айылында төрөлгөн. Жаш кезинде ата-энеси менен бирге Германияга көчүп кеткен.
2016-жылы Кыргызстандын жаштар курамасына чакырылып, бир жылдан соң бишкектик “Дордойдун” катарына кошулган.
ФИФАнын эрежеси боюнча эми Александр Мищенко Кыргызстандын улуттук курамасында ойной алат.