Парламенттин 14-февралдагы жалпы жыйынында Бишкек жылуулук борборундагы авариянын себептерин жана 386 миллион долларды териштирүү боюнча убактылуу комиссиянын корутундусунун алкагында өкмөттүн алып барган иши угулат. Бул тууралуу Жогорку Кеңештин расмий сайтында кабарланат.
Эске салсак, ушул эле аптада Бишкек Жылуулук электр борборун (ЖЭБ) модернизациялоо боюнча «Коррупция» беренеси менен козголгон кылмыш ишин Башкы прокуратура толук бир жума изилдеди. Натыйжада сегиз айыпталуучуга тергөөдө коюлган айыптар өзгөртүлбөгөн бойдон бекитилди.
Алардын арасында экс-премьер-министрлер, министрлер жана депутаттар бар.