Кепилденген эмгек акы өзгөрүлбөстөн баалоочу карталардын негизинде иштердин жыйынтыктары боюнча кошумча акы төлөө менен үй-бүлөлүк дарыгерлердин эмгек акылары жогорулатылды. Бул тууралуу бүгүн, 12 февралда Саламаттык сактоо министрлигинин 2018 –жылдын жыйынтыгы боюнча коллегиялык жыйында маалымдашты.
2018 – жылдан медициналык-санитардык жардам кызматкерлерине материалдык жардам берүү киргизилген. Анын негизинде үй-бүлөлүк дарыгердин базалык оклады — 7900 сом, аткарылган индикаторлору боюнча орточо төлөм – 6640 сом, жыйынтыгында үй-бүлөлүк дарыгердин орточо айлык акысы 14 540 сомду түздү. Ошондой эле базалык оклад менен максималдуу көлөмдө аткарылган индикаторлору үчүн эмгек акы – 21 180 сомду түзөт.
Буга чейин иштеп жаткан 19 Үй-бүлөлүк медициналык борбордун ордуна 4 бириккен Үй-бүлөлүк медициналык борбор түзүлдү.
Мындай бириктирүү менен административдик, финансылык жана техникалык кызматкерлер кыскартылып, натыйжада бул функциялардын кайталануусун жок кылууга, мамлекеттик сатып алууларды бириктирүүгө мүмкүндүк түзүлдү.