Жемкорлордон кайтарылган каражат Чүй облусунда жана Бишкекте мектеп курууга жумшалат. Бул тууралуу президент Сооронбай Жээнбеков бүгүн Бишкек шаарынын жалпы билим берүүчү мектептеринин абалы менен таанышып жатканда айтты.
Мамлекет башчы борбор калаадагы № 69 жана № 12-мектептерге барып, класстарды көрүп, окуучулар менен маектешти. Мектеп директорлору окуу жайлардагы негизги көйгөйлөр — мектептердеги класстардын ашыкча комплекттенгенин жана кошумча окуу корпустарынын жетишпей турганын айтышты.
Жээнбеков мугалимдер менен маектешүү учурунда өлкөдөгү ички миграциядан улам Бишкек шаары менен Чүй облусунда көп көйгөлөрдү жаратканын, ушул себептен бул региондогу мектептерде окуучулардын өтө көп болуп жатканын белгиледи.
Эске салсак, Башкы прокуратурага, Финансы полициясына, УКМКга жана ИИМге жемкорлордон кайтарылган каражатты атайын эсепке которуу милдети жүктөлгөн.