Улуттук статистикалык отчётторду өз убагында бербегендер жана ишенимсиз маалымат бергендер жоопко тартылып айып пул салынат. Бул тууралуу Улуттук статистикалык комитеттин маалымат кызматынан кабарлашты.
Мамлекеттик статистика комитети Бузуулар жөнүндө кодекс 2019-жылдын 1-январынан тартып күчүнө киргендигине байланыштуу статистикалык отчётторду берүүнүн ченемдерин бузган респонденттерге карата толук көлөмдө айып санкцияларын салына турганын маалымдайт.
Бузуулар жөнүндө жаңы кодекстин 294-беренесине ылайык, ыйгарым укуктуу органдарга маалыматтарды, билдирүүлөрдү, отчётторду өз убагында бербегендиги же ишенимсиз маалымат бергендиги үчүн 2-категориядагы айып салынат.
Ошондой эле айып туумдар түрүндө эсептелген айыпты төлөөдөн качкан бузуучуга мажбурлап төлөтүү чаралары көрүлөт.