Кыргызстандын футбол боюнча жаштар курамасы 23-жашка чейинки футболчулар арасында Азия чемпиондугунун тандап алуу туруна катышат. Бул тууралуу футбол федерациясы билдирди.
Азия биринчилигинин тандап алуу туру 22-26-март аралыгында Кувейтте өтөт.
Кыргыз курамасы «Е» тайпасында 22-мартта Кувейт, 24-март Сирия жана 26-мартта Иордания курама командалары менен беттеш өткөрөт.
Тандап алуу турунун жыйынтыгында 11 тайпанын жеңүүчүлөрү жана 2-орунду ээлеген 4 мыкты команда финалдык этапка өтөт.
Азия чемпиондугунун финалдык бөлүгү Таиландда 2020-жылдын 8-26-январь аралыгында өтөт.
Кошумчалай кетсек Азия чемпиондугунун 3 мыкты командасы 2020-жылы өтүүчү Олимпиада оюндарына жолдомо алат.