«Кыргыз Республикасындагы мамлекеттик жөлөк пулдар жөнүндө» мыйзамга өзгөртүүлөр киргизилди. Тийиштүү мыйзамга президент Сооронбай Жээнбеков кол койду. Бул тууралуу президенттик аппараттын маалымат кызматынан кабарлашты.
Мыйзам Жогорку Кеӊеш тарабынан 2018-жылдын 13-декабрында кабыл алынган.
Мыйзамды кабыл алуунун максаты 2018-жылдын 30-мартында кабыл алынган «Социалдык коргоо чөйрөсүндөгү айрым мыйзам актыларына өзгөртүүлөрдү киргизүү жөнүндө» Мыйзамга ылайык келтирүү болуп саналат.
Тактап айтканда «Кыргыз Республикасындагы мамлекеттик жөлөк пулдар жөнүндө» Мыйзамындагы үй-бүлөлүк кирешенин өлчөмү негизги пенсиядан төмөн болгон (ден-соолугунун мүмкүнчүлүктөрү чектелүү адамдардын пенсияларын кошпогондо) пенсиялар алынып салынган.
Мыйзам расмий жарыяланган күндөн он күн өткөндөн кийин күчүнө кирет.