«Апрель» телеканалынын директору Дмитрий Ложников 30-январга суракка чакырылды. Аны жана экс-президент Алмазбек Атамбаевди саясатчылар Азимбек Бекназаров, Акматбек Келдибеков жана Кеңешбек Дүйшөбаевдер сотко беришкен. Телеканалдын жетекчиси сурак берүүгө чакыруу келгенин фейсбуктагы баракчасына жазды.
Доогерлер Атамбаевдин аталган телеканал аркылуу айткан билдирүүлөрүнө нааразы болуп, 18 миллион сом өндүрүүнү талап кылышууда.
Саясатчылардын арызы Бишкектин Октябрь райондук сотунда каралат.