Бишкектеги Токтогул Сатылганов атындагы кыргыз улуттук филармониясы ремонт үчүн жабылат. Бул тууралуу Маданият, маалымат жана туризм министрлиги кабарлайт.
Филармония Шанхай кызматташтык уюмунун саммитин өткөрүүгө байланыштуу оңдоп-түзөөдөн өткөрүлөт.
25-апрелде Салттуу музыка күнүнө арналган концерт драма театрда уюштурулат.
Шанхай кызматташтык уюмуна мүчө мамлекет башчыларынын саммити 14-15-июнда Бишкек шаарында өтөт. Анын алкагында маданий-гуманитардык иш-чаралар: медиа көргөзмө, сүрөт көргөзмөсү, бизнес форум жана ири гала-концерт уюштурулат. Учурда уюштуруу комитети иш алып барууда.