Нарын облусуна караштуу Ат-Башы районуна карышкырларды атуу үчүн тик учак берүү керек. Бул тууралуу депутат Камчыбек Жолдошбаев Жогорку Кеңештин жалпы жыйынында билдирди.
Анын маалыматында, Ат-Башыда карышкырларга мергенчилердин күчтөрү жетпей жатат. Өкмөттүн облустагы өкүлү, аким, айыл башчылары көңүл бурбай жатат.
-Коррупциялык иштерден өндүрүлгөн каражаттын эсебинен аларга тик учак берип койсок туура болмок. Кыдырып карышкырларды аталы. Карышкырлар биздин тууган эмес.
Эл өкүлү кошумчалагандай, карышкырлар күнүнө бештей жылкыны жеп жатышат.