Коомдук желелерде #10yearschallenge хэштеги менен жүрүп жаткан акция дуйнөнүн бардык континенттериндеги жашоочуларды кучагына алды. Анда социалдык түйүндүн колдонуучулары он жылдагы өздөрүндөгү өзгөрүүлөрдү сүрөттөр аркылуу көрсөтүшкөн.
Жалпысынан бардык сүрөттөр адамзатта жалаң гана өнүгүүлөр, жакшыруулар болуп жаткандай сезим калтырганы менен, чынында дуйнөдө бары эле «сүт-көл, май-көл» эмес экенин төмөндө карап көрөлү.
Биз акыркы он жылдагы адамзаттын колу менен тааныгыс болуп артка карай өзгөргөн дүйнөнүн төрт аймагын #10yearschallenge мемине салып көрөлү.
1) «Супердержавалардын» өз күчтөрүн сынаган майданына айланган Сирия. 2009-2019
2. Күлгө айланган Аракан облусу. Мьянма куралдуу күчтөрүнүн өкүмзордугу менен 700 миңден ашуун аракандык рохинжа мусулмандары мекенин таштап, Бангладешке качып өтүшкөн.
3. Кылымдын эң чоң гуманитардык апааты орун алган Йемен суннит-шиит кагышынын курмандыгына айланды.
4. «Эки дөө кагышса, ортодо бейажал чымын өлөт» макалы Донбасска тиешелүү. 2014-жылы от алган Орусия-Украина кагылышы өлүмчүл кризиске айланган.
