Президент Сооронбай Жээнбеков «Кыргыз Республикасынын айыл чарбасын өнүктүрүү жөнүндө» мыйзамга өзгөртүүлөрдү киргизүү тууралуу мыйзамына кол койду.
Мыйзам Жогорку Кеңеш тарабынан 2018-жылдын 5-декабрында кабыл алынган.
Мыйзамды кабыл алуунун максаты — айыл чарба (өсүмдүк, мал чарбачылык, канаттуулар, аарычылык), балык чарба продукцияларын өндүрүүчүлөргө жана аларды кайра иштеткендерге жеңилдетилген кредиттерди берүү маселелерин жөнгө салуу.
Мыйзам расмий жарыялангандан тартып 15 күндөн кийин күчүнө кирет.