«Дарак ыры» киносу Даккада өткөн XVII Эл аралык фестивалында эң мыкты кино деп аталды. Бул туурасында фильмдин продюсери Толкун Дайырбекова маалымдады.
Анын билдиришинче 18-январда Бангладеште Эл аралык кинофестивалдын жабылыш аземи болгон. Негизги конкурстук программада Азиянын фильмдеринин арасынан Айбек Дайырбековдун “Дарак ыры” фильми мыкты аталды. Ал эми гран-при Филиппиндин Signal Rock киносуна ыйгарылды.
Эске салсак, фестиваль Даккада 10-18-январь күндөрү өттү. Анда 220дай кино көрсөтүлдү. Анын ичинен 5 кино Кыргызстандын атынан катышкан.