Бүгүн, 17-январда Бишкектеги борбордук аянтта митинг өтөрү кабарланды. Ал жерде жүргөн кабарчыбыз билдиргендей, ушул тапта 30дай киши чогулду. Алар бүгүн да Кыргызстанда мыйзамсыз жүргөн кытай жарандарына каршы экенин, алар өлкөдөгү көп жерлерди басып алганын айтып нааразы болушууда.
Буга чейин 7-январда кытай жарандарына каршы жана жаңыдан күчүнө кирген мыйзамдарга каршы пикирлерин билдирип, 300дөй киши чогулган. Алар өз сунуштарынын тизмесин түзүп, 17-январда өкмөткө, Жогорку Кеңешке беришерин айтышкан.