Мамлекеттик соттук-экспертиза кызматынын төрагасынын орун басары Табылды Матсаков “Марал” радиосуна берген маегинде Соттук-экспертизалык медициналык борбор Саламаттыкты сактоо министрлигине мурдатан эле “өгөй бала” болуп келгенин билдирди.
«Министр хирургия, терапия же көз оорууларына карагандай соттук-медициналык экспертизага көңүл буруп келген эмес. Ошондуктан медициналык экспертиза менен медициналык эмес экспертиза бириксе бир жетекчиликтин алдында болмок. Экинчиден наркологиялык борбордо ири кызмат жок«, — дейт Матсаков.
Буга чейин «Юристер адам укугу үчүн» бирикмесинин жетекчиси Асель Койлубаева “Маралга” берген маегинде наркология борборунда ири кызмат бар экенин айткан болчу.