17-январда журналист Уланбек Эгизбаевдин өлүмү боюнча «Акун» пансионатынын кызматкерлеринин үстүнөн соттук иштин отуруму башталат. Бул тууралуу Ысык-Көл облустук сотунан кабарлашкан.
Маалыматка ылайык 3-декабрга белгиленген соттук отурум тараптардын келбегендигине байланыштуу 17-январга жылдырылган.
Эске салсак, журналист 2018-жылдын 22-июлунда Ысык-Көлдөгү «Акун» пансионатында эс алуу учурунда каза болгон.
Милициянын тыянагына ылайык пансионатта тиешелүү коопсуздук шарттары түзулбөгөнү үчүн ал чөгүп кеткен.
Буга байланыштуу, «Акун» пансионатынын жооптуу кызматкерлеринин үстүнөн 258-«Коопсуздук талаптарына жооп бербеген товар же кызмат көрсөтүүлөрдү сатуу» беренеси боюнча кылмыш иши козголгон.