Бүгүн, 5-январда Бириккен Араб Эмирлигинде футбол боюнча Азия Кубогу башталат.
Беттештер Абу-Даби, Дубай, Аль-Айн жана Шарджа шаарларындагы 8 стадиондо орун алат. Кубоктун алгачкы турунда 6 тайпага бөлүнгөн 24 команда ойнойт.
Азия кубогунун ачылышы Zayed Sport City стадионунда орун алып, Бириккен Араб Эмирлиги менен Бахрейн командалары беттешмекчи. Оюн Бишкек убактысы боюнча 22:00дө башаталат.
Кыргызстан курама командасы чүчүкулактын жыйынтыгында С тайпасына туш келген. Анда Корея, Филиппин жана Кытай менен ойнойт. Акшумкарлардын алгачкы беттеши 7-январда орун алып, анда Кытай менен кез келет.
Кошумчалай кетсек, кыргыз курама командасы өлкө эгемендүүлүктү алгандан бери бул кубокко алгачкы жолу катышып жатат.