Футбол боюнча Кыргызстандын улуттук курама командасы Бириккен Араб Эмираттарында алгачкы машыгуусун өткөрдү. Бул тууралуу Кыргыз Республикасынын футбол федерациясы кабарлайт.
Белгилүү болгондой, БАЭде 5-январда старт ала турган Азия Кубогунун алдында Кыргыз улуттук курам Аль-Айн шаарында машыгууларды өткөрдү. 2-машыгуусун Кыргыз футболчулар бүгүн, 4-январда өткөрөт.
Кыргыз улуттук курама командасы Азия Кубогунда «С» тайпасына туш келип, Түштүк Корея, Кытай жана Филиппин курамалары менен кездешет. Алгачкы беттешти Кыргыз курамасы Кытайга каршы 7-январда өткөрсө, 11-январда Түштүк Корея менен жана 16-январда Филиппин менен ойнойт.