Орусиянын Магнитогорск шаарында газ түтүктөрү жарылып, урап калган көп кабаттуу үйдө куткаруу иштери аягына чыкты. Бул тууралуу ОрусиянынӨзгөчө кырдаалдар министрлиги билдирди.
Маалыматка ылайык, куткаруучулар урап калган көп кабаттуу үйдөн 39-жансыз денени алып чыкты. Бардык дайынсыз болуп жаткан жарандар табылып, ӨКМ куткаруу иштерин аяктады.
Белгилүү болгондой, 31-декабрь күнү саат 6:00дө Магнитогорск шаарында көп кабаттуу үйдө газ түтүгү жарылган. Жарылуунун кесепетинен көп кабаттуу үй урап калган. Кырсыктан 79 адам дайынсыз болуп, алардын арасынан 11 айлык наристе дагы болгон. 1 күндөн кийин 11 айлык Ваня Фокин урандылардын алдынан аман-эсен куткарылган.