Футбол боюнча Кыргызстандын курама командасы Бириккен Араб Эмиратындаа Азия Кубогуна катышат. Бул тууралуу Футбол федерациясынын маалымат катчысы кабарлады.
Маалым болгондой, улуттук курама Азия Кубогуна катышуу үчүн бүгүн, 3-январда Доха шаарынан Бириккен Араб Эмиратына учуп кетти. Мелдеш учурунда кыргыз курамасы Араб Эмиратынын Аль-Айн шаарына жайгашып, жергиликтүү клубдун спорттук базасында машыгууларын жүргүзөт.
Белгилей кетсек, Азия Кубогу 5-январдан 1-февралга чейин, Бириккен Араб Эмиратында өтөт. Кыргызстан С тайпасында Түштүк Корея, Кытай жана Филиппин өлкөлөрү менен беттешет. Турнирдин алкагындагы алгачкы оюнун Кыргыз курамасы 7-январда Кытайга каршы өткөрөт.