Ысык-Көл облусуна караштуу Тоң райондук мамлекеттик администрациясы 2018-жылдын жыйынтыгын чыгарып, райондун өнүгүшүнө салым кошкон 52 инсанга сыйлыктарды тапшырды. Бул тууралуу райондук администрациядан билдирди.
Маалыматка ылайык, иш-чарага администрациянын өкүлдөрү, мекеме-ишканалардын жетекчилери жана жергиликтүү тургундар катышты. Анын жүрүшүндө 5 инсанга «Ардактуу атуул» наамы ыйгарылып, райондун социалдык-экономикалык өнүгүшүнө салым кошкон 52 инсанга сыйлыктар тапшырылды.
Ошондой эле, lll Дүйнөлүк көчмөндөр оюндарына активдүү катышкан 2 адамга өкмөттүн Ысык-Көл облусундагы өкүлчүлүгүнүн ардак грамотасы ыйгарылды.