26-декабрда Бишкек шаарында Токтогул Сатылганов атындагы кыргыз улуттук филармониясында президенттин катышуусунда жыл сайын өтүүчү салттуу жаңы жылдык балаты кечеси болуп өттү.
Президенттик балатыга өлкөнүн бардык аймактарынан 1100 окуучу чакырылган. Алардын арасында – окуунун мыктылары, олимпиадалардын, эл аралык сынактардын жана мелдештердин жеңүүчүлөрү, балдар үйлөрүнүн тарбиялануучулары, ден-соолугунун мүмкүнчүлүктөрү чектелген балдар бар.
