Кыргызстанда мектептер 2018-жылдын 31-декабрынан тарта 2019-жылдын 11-январына чейин эс алышат. Аптанын дем алыш күндөрүн эске алуу менен окуу процесстери мектептерде 14-январда башталмай болду.
Бул тууралуу Билим берүү жана илим министрлиги маалымдады.
Ал эми мектеп-гимназия, мектеп-лицей жана ушул багыттагы билим берүү мекемелери 12-январдагы окуу жана кошумча сабактарды 2019-жылдын мартына чейинки аралыкка чачыратып коюусу каралды. Муну менен апталык окуу оорчулугун ашпоо шарты аткарылууга тийиш.
Эске салсак, мамлекеттик ишканалардагы кышкы эс алуу 7-январга чейин болорун өкмөт бекитип, маалымдаган.