Түркмөнстандын президенти Гурбангулы Бердымухамедов жаңы жыл алдында майрамдык иш-чарага катышып, небереси менен англис, түркмөн жана немис тилдеринде ырдады. Бул тууралуу «Хроника Туркменистана» порталы кабарлайт.
Маалыматка ылайык, чыгарманын обонун президенттин небереси Каримгули жазган.
Бердимухамедов байма-бай ыр жазып турат. Ошондой эле башка ырчылардын да чыгармаларын аткарып жүрөт.
Чоң ата менен неберенин дуэти алгач реп түрүндө болгон. Жастин Тимберлейктин чыгармаларын жана ата мекен тууралуу ырларды аткарышкан.