Кыргыз мамлекеттик цирктин башкы директору Курмангазы Исанаев кызматтан бошотулду. Тиешелүү буйрукка Маданият, маалымат жана туризм министри Азамат Жаманкулов кол койду.
Исанаев цирктин башкы директору болуп 2004- жылы дайындалган эле.
Эске салсак, өткөн айда цирктин жамааты Курмангазы Исанаевге нааразылык билдирип, кол топтошкон. Жогорку Кеңештин комитетинде цирктин ишмердүүлүгү тууралуу маселе каралып, жетекчисине карата айтылган нааразылыктар талкууланган.