Кыргызстандын калкынын 25.6 пайызы жакырчылыкта жашайт. Бул тууралуу Улуттук статистика комитети жарыялаган.
Изилдөөнүн жыйынтыгы көрсөткөндөй кыргызстандыктардын 0.8 пайызы жакырчылыктын эң төмөнкү чегинде жашайт.
Айыл-кыштактарда жашаган калктын 28.4 пайызы жакыр болсо, шаардыктардын 20.4%ы жетишпеген шартта күн көрүшөт.
2013-жылдагы абалга салыштырмалуу кедей катмар 11%га кыскарса, өтө кедейлер 2%га азайган.
Кошумчаласак, социалдык жөлөк пул алгандардын саны акыркы беш жылда 16%га өсүп, жалпы мамлекеттик пособиени алгандардын саны 379 миңди түзгөн.