Премьер-министр Мухаммедкалый Абылгазиев Казакстандын премьер-министри Бакытжан Сагинтаев менен телефон аркылуу сүйлөштү. Бул тууралуу өкмөттүн аппаратынын маалыматтык камсыздоо бөлүмү билдирди.
Телефондук сүйлөшүүдө эки тараптуу кызматташтыктын актуалдуу маселелери, ошондой эле кеңири чөйрөдөгү маселелер, анын ичинде Евразиялык экономикалык биримдик алкагындагы өз-ара аракеттешүүнү активдештирүүнүн келечеги талкууланды.
Ошондой эле соода жүргүзүүдөгү тоскоолдуктарды өз учурунда четтетүүгө байланыштуу маселелерди талкуулашты.