Бишкек-Ош унаа жолунда кырсык катталып, үч киши каза болду. Бул тууралуу Жалал-Абад облустук ИИБнен билдиришти.
Аталган унаа жолдун 307-чакырымында Бишкек тарапка бара жаткан «Мицубиси Делика» үлгүсүндөгү унаанын айдоочусу оор жүк ташуучу унааны сүзүп алган. Андагы 3 киши каза болуп, үчөө ооруканага түшкөн.
Алдын ала маалымат боюнча, жеңил унаанын айдоочусу рулда уктап кеткен. Учурда каза болгондордун аты-жөнү такталууда.