Жалал-Абад облусундагы Токтогул районундагы Торкент айылында маданият үйү күйүп кетти. Бул тууралуу Өзгөчө кырдаалдар министрлиги билдирет.
Маалыматка ылайык, ушул жылдын 11-декабрынан 12-декабрга караган түнү саат 01:44 чамасында Торкент айылдык маданият үйүндө өрт кырсыгы катталгандыгы тууралуу маалымат келип түшкөн.
Кабар түшөр замат өрт өчүрүүгө 3 бөлүм тартылган. Өрттүн кесепетинен болжол менен 455 чарчы метр аянты күйгөн.
Өрттүн кесепетинен 11 700 даана китеби болгон 1 бөлмөлүү китепканасы, ичиндеги мүлктөрү толугу менен күйүп кеткен.
Учурда өрттүн келип чыгуу себебин жана өрттөн келтирилген материалдык зыянын тактоодо.