Казакстанда былтыр кабыл алынган “Байланыштар жөнүндө” мыйзамга ылайык, уюлдук компаниялар телефондорун каттоодон өткөрбөгөн абоненттерге кызмат көрсөтө албайт.
Чиновниктер IMEI-коддорду каттоо –телефон сатуудагы көмүскө базар менен күрөшүүгө жардам берерин билдиришүүдө. Полиция маалыматына караганда, быйыл 40 миң аппарат уурдалган. Бул сыяктуу кылмыштардын 5% гана бети ачылган.
Казак бийлиги жеке маалыматтар башка максаттарга, маселен, кишилерди аңдуу максатында колдонулбашына ишендирүүдө. Мындан тышкары бийлик бул чара менен абоненттик базаны колдонулбай калган номерлерден арылтууну көздөөдө.
