“Өнүгүү-Прогресс” фракциясы Финансы министри кызматына Бактыгүл Жээнбаеванын талапкерлигин сунуштады. Бул тууралуу аталган фракциянын депутаты Исхак Масалиев билдирди.
Анын айтымында, бүгүн парламенттин Конституциялык мыйзамдар, мамлекеттик түзүлүш, сот-укуктук маселелер боюнча комитетинде Жээнбаеванын Финансы министри кызматына талапкерлиги каралат.
Бактыгүл Жээнбаева учурда президенттин кеңешчиси болуп иштейт.
Эске салсак, 6-декабрда президент Сооронбай Жээнбековдун жарлыгы менен Финансы министри болуп 3 жыл эмгектенген Адылбек Касымалиев отставкага кеткен.