«Атамбаев Путинге: -Батукаевден кийин сүйлөшпөдүк беле? Ички иштерди мен өзүм чечем,-деген»

Нариман Түлеев түрмөдө отурган кезде Орусиянын президенти Владимир Путин ШКУнун жыйынына келип, ошол кездеги президент Алмазбек Атамбаевден аны камактан чыгарып коюусун суранган.» Мындай маалыматты Бишкек шаарынын мурунку мэри “Марал” радиосуна берген маегинде өзү билдирди.

«Мен Атамбаевге Путин чыкты беле деп сурасам, «чыккан» деди. Ал эми мага жанында отурган жардамчысы Ушаков мынтип айтып берди дедим. «Атамбаевге эмне мынча жаманатты кылдың эле? Путин айтканда Атамбаев секирип турду.  Атамбаев «Владимир Владимирович, Батукаевден кийин сүйлөшпөдүк беле? Ички иштерди мен өзүм чечем. Сырткы иштерге макул мен аралашпайм» дегенде, Путин унчукпай калды» деди десем, Атамбаев «Жок, андай болгон жок. Өзүм аралашкан жокмун» деди», — дейт Түлеев.

Эске салсак, 2012-жылдын августунда Түлеев Бишкектин мэри болуп турганда Кытайдан автобус сатып алууда мамлекеттик каражатты жымырып алган деген айып тагылган. Ал камакка алынып, 2016-жылдын 7-майында бошотулган.