Премьер-министр Мухаммедкалый Абылгазиев Минск шаарындагы «Жогорку технологиялар паркынын администрациясы» мамлекеттик мекемесине барды.
Жогорку технологиялар паркынын директору Всеволод Янчевский, мекеме IT бизнестин ийгиликтүү өнүгүүсүнө жагымдуу өбөлгө түзгөн, салык-укуктук режими бар өзгөчө экономикалык аймак экендигин айтты.
Долбоордун алгачкы максаты — өлкөдө экспортко багытталган программалаштыруу индустриясын, жогорку технологияларга негизделген башка экспорттук өндүрүштөрдү өнүктүрүү, ошондой эле улуттук экономиканын атаандаштыкка жөндөмдүүлүгүн жогорулатуу үчүн кадрдык, илимий-өндүрүштүк жана инвестициялык-финансылык мүмкүнчүлүгүн топтоштуруу үчүн шарттарды түзүү болуп эсептелет.
Абылгазиев ошондой эле Жогорку технологиялар паркында иштеген мекендештер менен пикир алышты.
Өкмөт башчы ушул күндөрү Беларусияда иш сапары менен жүрөт.