Марал Радиосу

Ысык-Көлдө автокырсык катталды

Ысык-Көлдүн Жети-Өгүз районунда эки кичи автобус кагышып, 14 киши жараланды. Бул тууралуу Саламаттыкты сактоо министрлигинин маалымат кызматына таянып Спутник агенттиги жазып чыкты.

Маалыматка ылайык кырсык бүгүн, 25-ноябрда эрте мененки саат 9:00 чамасында катталган. Жабыркагандардан бешөө облустук оорукананын травматология бөлүмүнө жаткырылса, бирөө жандандыруу бөлүмүндө каралууда.  Жабыркагандардын бары медициналык текшерүүдөн өтүп, тиешелүү жардамдар көрсөтүлдү.

Аталган иш боюнча аймактык милиция бөлүмүнө кабарланып, кароого алынды.

Exit mobile version